८० बर्षीय जापानी बृद्धको सगरमाथा चढ्ने प्रण ।

जापानका ८० वर्षीय एक आरोहीले विश्वको सर्वोच्च शिखर सगरमाथा आरोहण गर्ने भएका छन् । चार पटक मुटुको सर्जरी गराएका युचिरो मिउराले तेश्रो पटक सगरमाथाको आरोहण गर्दै सगरमाथा आरोहण गर्ने विश्वको सबैभन्दा वृद्ध व्यक्तिको रुपमा किर्तिमान कायम गर्ने घोषणा गरेका हुन् ।
यसअघि सन् २००३ र २००८ मा सगरमाथाको सफल आरोहण गरेका मिउरा सन् १९७० मै सगरमाथाको ८ हजार मिटर उचाइसम्म पुगेका थिए ।


सगरमाथा आरोहणको लागि काठमाण्डौ आइपुगेका मिउराले आफ्नो लागि किर्तिमान ठूलो कुरा नभएको भन्दै चुचुरोमा पुग्नु ठूलो कुरा भएको बताए । दृढ आकांक्षा भएमा सपनाको चुचुरो चुम्न सकिने उनको भनाइ छ ।
सबैभन्दा पाको उमेरमा सगरमाथा चढ्ने किर्तिमान अहिलेसम्म नेपालका मिन बहादुर शेरचनको नाममा छ । उनले सन् २००८ मा ७६ वर्षको उमेरमा सगरमाथा आरोहण गरेका थिए ।
मिउराले विश्वका सातै महादेशका ठूला चुचुराको आरोहण सम्पन्न गरिसकेका छन् । उनले सगरमाथा पछि विश्वको छैटौँ सर्वोच्च शिखर चोयुको पनि आरोपण गर्ने सोँच बनाएका छन् । आफु ८५ वर्षको उमेरसम्म बााचेमा चोयु पनि आरोहण गर्ने उनी बताउाछन् । चोयु आरोहण मेरो अर्को सपना हो, उनी भन्छन् ।